waleedelsafoury
12-02-2024, 12:05 PM
طيب بشكل ابسط شوية عشان الناس اللي استفسرت على موضوع قفل الموبيلات اللي جاية من بره
هات فنجان القهوة الحلو وارمي السيجارة اللي في أيدك عشان حرام وبص معايا
كل جهاز موبيل ليه سيريال المفروض إنه مبيتكررش على مستوع العالم إسمه ال IMEI
حاجة كده زي ال MAC Address بس عندنا في الموبيلات
المهم زمان قبل التعويم كان شهير جدا إن الناس اللي مسافرة او إللي ليها حد مسافر تخليه يجيبلها موبيل وهو نازل لان فرق السعر كان كبير ما بين هنا وهناك
بل إن كتير من التجار بقى يميل إنه يجيب اجهزة مهربة من بره ويبيعها هنا بأقل من الاجهزة الرسمية عشان يكسب زبون ويكسب فلوس
وبعد التعويم بالرغم من إن فرق السعر ده قل إلا إن فرق الجمارك والضرائب برده مخلي في فرق بين هنا وبره
وبرده الناس بتشتري من بره
طيب والدولة زعلانة ليه ؟
عشان فقدت جمارك وضرايب على الجهاز الأكثر مبيعا في اي حتة في العالم اللي هو الموبيل
ده غير إن ده بيهدد استثمارات المصنعين اللي عايزين ينتجوا موبيلات داخل مصر إن الناس برده تشتري الجهاز اللي من بره واللي يصنعوه ميلاقيش حد يشتريه
طب الدولة تعمل إيه
جهاز تنظيم الاتصالات كده كده بيجيله ليست بال IMEI بتاع الاجهزة من قبل ما يتم استيرادها عشان المستورد الرسمي ياخد موافقة بيها
خلاص يبقى الموبيلات اللي ليها IMEI متسجل عندنا تشتغل عادي واللي يظهر في اي شبكة ومش متسجل عندنا هنفهم إنه جاي تهريب او حد جاي سياحة او زيارة في مصر
فهنبعتله رسالة إن معاك معاك ٩٠ يوم أو ١٢٠ يوم اكتر او أقل المهم دول معاك تشتغل بالموبيل عادي لكن اكتر من كده هعتبرك مقيم والجهاز ده متهرب ولازم تدفع الرسوم بتاعته
تدفع يفضل شغال ولو مدفعتش هيتوقف في الاربع شبكات اللي عندنا
الموضوع مطروح من وقت كبير لكن متفعلش حتى الان
في ناس بتقول هيتفعل قريب
الله أعلم
لكن في دول تانية عاملة كده فعلا فالموضوع مش صعب
شوفت سهلة اهه
أشرب القهوة بقى وارمي علبة السجاير هي كمان بقى عشان برده حرام
هات فنجان القهوة الحلو وارمي السيجارة اللي في أيدك عشان حرام وبص معايا
كل جهاز موبيل ليه سيريال المفروض إنه مبيتكررش على مستوع العالم إسمه ال IMEI
حاجة كده زي ال MAC Address بس عندنا في الموبيلات
المهم زمان قبل التعويم كان شهير جدا إن الناس اللي مسافرة او إللي ليها حد مسافر تخليه يجيبلها موبيل وهو نازل لان فرق السعر كان كبير ما بين هنا وهناك
بل إن كتير من التجار بقى يميل إنه يجيب اجهزة مهربة من بره ويبيعها هنا بأقل من الاجهزة الرسمية عشان يكسب زبون ويكسب فلوس
وبعد التعويم بالرغم من إن فرق السعر ده قل إلا إن فرق الجمارك والضرائب برده مخلي في فرق بين هنا وبره
وبرده الناس بتشتري من بره
طيب والدولة زعلانة ليه ؟
عشان فقدت جمارك وضرايب على الجهاز الأكثر مبيعا في اي حتة في العالم اللي هو الموبيل
ده غير إن ده بيهدد استثمارات المصنعين اللي عايزين ينتجوا موبيلات داخل مصر إن الناس برده تشتري الجهاز اللي من بره واللي يصنعوه ميلاقيش حد يشتريه
طب الدولة تعمل إيه
جهاز تنظيم الاتصالات كده كده بيجيله ليست بال IMEI بتاع الاجهزة من قبل ما يتم استيرادها عشان المستورد الرسمي ياخد موافقة بيها
خلاص يبقى الموبيلات اللي ليها IMEI متسجل عندنا تشتغل عادي واللي يظهر في اي شبكة ومش متسجل عندنا هنفهم إنه جاي تهريب او حد جاي سياحة او زيارة في مصر
فهنبعتله رسالة إن معاك معاك ٩٠ يوم أو ١٢٠ يوم اكتر او أقل المهم دول معاك تشتغل بالموبيل عادي لكن اكتر من كده هعتبرك مقيم والجهاز ده متهرب ولازم تدفع الرسوم بتاعته
تدفع يفضل شغال ولو مدفعتش هيتوقف في الاربع شبكات اللي عندنا
الموضوع مطروح من وقت كبير لكن متفعلش حتى الان
في ناس بتقول هيتفعل قريب
الله أعلم
لكن في دول تانية عاملة كده فعلا فالموضوع مش صعب
شوفت سهلة اهه
أشرب القهوة بقى وارمي علبة السجاير هي كمان بقى عشان برده حرام