رحلة الـ RF Planning في شبكات الموبايل: خطوة بخطوة بأسلوب بسيط!

تخيل إنك بتخطط لرحلة سفر طويلة، محتاج تختار الطريق، محطات التوقف، وتضمن إنك توصل بأمان وبأقل تكلفة. نفس الفكرة بنطبقها لما بنخطط لشبكة موبايل باستخدام RF Planning. خلينا نمشي الرحلة دي خطوة بخطوة:

1. تحديد الأهداف (Define Objectives)

أول حاجة بنسأل نفسنا: عايزين الشبكة تغطي مين؟ (مناطق سكنية؟ مناطق صناعية؟)، وعدد المستخدمين اللي محتاجين نخدمهم. لازم كمان نحدد الأولويات: تغطية قوية ولا سعة أكبر؟

2. تحليل البيانات (Data Collection)

نجمع معلومات عن كل حاجة:

المنطقة الجغرافية: خرائط، ارتفاعات، ومعوقات زي الجبال والمباني.

المستخدمين: عددهم، أماكنهم، وأنماط استخدامهم.

الترددات المتاحة

وكل ده زي القطع اللي في لعبة بازل لازم تركب صح.


3. تصميم الشبكة الأولي (Initial Network Design)

هنا بنبدأ نحسب الأول عدد المحطات اللي محتاجينها التغطية المكان ده بحيث نحقق حاجتين التغطية والسعة المطلوبين ونوزع المواقع المرشحة (Towers أو Antennas) ونعمل حساب المسافات بينها. الهدف إننا نوصل التغطية والسعة المطلوبة لكل مكان، بس من غير تداخل أو تشويش (Interference) .

4. محاكاة الأداء (Simulation)

باستخدام برامج متخصصة (زي Atoll أو iBwave)، بنعمل محاكاة عشان نعرف:

شكل التغطية.

سرعة نقل البيانات.

أماكن التداخل اللي ممكن تحتاج تعديل.


5. التجربة الميدانية (Drive Test)

بعد ما نرسم الخطة، لازم ننزل للميدان ونجربها:

بنقيس قوة الإشارة (Signal Strength).

بنشوف الأداء أثناء المكالمات والإنترنت.

نلاحظ أي مناطق ضعيفة (Weak Spots).


6. التعديل النهائي (pre - Optimization)

بناءً على البيانات اللي جمعناها، نعدل الخطة:

نحرك أو نغير اتجاه الهوائيات.

نعدل القدرة المرسلة (Transmit Power).

نعدل على ال Network parameters


#الزتونة :

الـ RF Planning أشبه بمهمة بناء بيت متكامل. كل طوبة (أو خطوة) بتكمل اللي قبلها، ولو غفلت عن تفصيلة صغيرة زي زاوية الهوائي، ممكن كل الخطة تنهار. التوازن بين التغطية والسعة والجودة هو سر نجاح الشبكة.